الليل طوّل وأحتمي في ظلالي
مجنون ظلي ,, ينتثر من حنيني
كن السوالف في عروق إرتحالي
دبّت بصدري ,, والعنا يحتريني
"وينك" يا خلي وش غدا اليوم حالي
"وينك" تلوح أطرافها من سنيني
أجر صوتي ,, لين يرقا خيالي
أرض ٍ سقاها مدمعي وماي عيني
فيها تلامع نجمها بإختيالي
وانا أتخّيل كيف يختال فيني
تجيك ولْهى كل كلمة " يا غالي"
الليل طوّل ,, والوله يعتريني
غربة مدينة ,, ماهي غربة وصالي
يومن ودادك في الحنايا دفيني
الريح تصفر في فضا الوجد خالي
ضميا الليالي بإرتحالك يا عيني
شعر \\ هجير
ليست هناك تعليقات:
إرسال تعليق