تحتريني؟! وليه قلبك يحتريني
وسط مدك، صار له جزرك مكان
يوم قلبي ياسعه كل دمع عيني
ودي مرة ,, أوصل لـ بر الأمان
وش بقالي غير قلبي يحتويني
وارتمي به لين صلد الوقت لان
كل صمته في ضلوعي يرتجيني
وان رجاني صار صمته عنفوان
وكل بوحه وحشة تشبه حنيني
ينكسر به الليل في عيوني وبان
يا اغترابي في محاجر دمعتيني
وش يضير الدمع لو سولف ثوان
في غيابك ليه ذا الهاجس يجيني
ليه معنى الشوق مرهون بـ زمان
لا بغيت أنشد سنيني عن سنيني
وين بـ ألقاني , بعد فوت الأوان
ما رجعت إلا على طاري إحتريني
ويمكن ألقى في خفوقك لي مكان
هـ ج ي ر : ك
ليست هناك تعليقات:
إرسال تعليق