يا صباح أسفر في وجه العابرين ..
من راح عنك ما ألتفت،،
ما بانوا إلا المقبلين..
اللي خذوا طعم الحكايا الفاتنة , في كلمتين
وانطوى الصبح بسوالفهم على " كنا وكان "
وما ارتوى الناهل ,,
حرام الصبح ما يروي الحنين ..
" أشتاق حيل " ..
أشتاق كثر اللي ارحلوا
واللي اقبلوا
واللي اتركوا للصبح طعمن تستلذه هالسنين !!
ما عرفت أقراك ..
تدري ما اعرفت أتهجا شي ٍ
باح ب أسراره لـ عين ..
ولا عرفت أستأذنك شدة ,,
أو أستأذنك لين ..
قبل ما يسفر صباحي مع ظلال الراحلين ..
وانته انته .. مثل ما انته
لك من السيرة " وقالوا " ..
سيرة الوقت وتفاصيل المواسم
ومين هذا وذاك مين!!!
المسا مرك وله , ما يستكين
ولا هدأ طرف السهيد الا على رمي الورق!!
ليه أدوّر في سكوتي لو مرابع دمعتين؟؟
وانفض غبار الستاير ,, والدفاتر
كل شي ٍ دثـّــر بصدره غبارن
ممتلي شوق وأنين ..
الصمت عقبك لاح والهجس له عامين
به يستدل الشوق ، من طرفي هزيله
وانته ياحادي النجم للهجس ياما تبين
أخايله في ركام ،، سحبن ً من هميله
لا جيت انا لليل، خبرني وش هو البين
وان ضاقت النيات،، ماهي سبب ليله
بعض الصدور وساع ياما طوتها سنين
وعجافها بالجوف ، من وارف حصيله
يم المحاني العوج، ريح العنا لا تجين
شديت رحل الجرح، من عقبه رحيله
أرخي الطرف ايام،، وأشد لين يلين
وانا تعبت اشيل ، فوضى مواويله
تعبت أجر هموم،، قبل النهار يحين
خلي الالم ينزاح ،،ومن فايضه قيله
و ماني على التخمين أرقاه للتخمين
يوم العلوم صحاح،، قافي مداهيله
أنهل مرار الصبر ،، دامه الصبر لي زين
مثلي دخيل الصمت، في حزة الميله
لا هالضما يرويه ، وصلن من المقفين
بس الوصل يضماه ،، وافي مواصيله
ه ج ي ر
ليست هناك تعليقات:
إرسال تعليق