( أضداد غيم ) .. لك وحدك
مأخوذ بك بأضداد هذا الغيم , حر الشغافي
شوق ٍ طويل ذراه وأنفاس الهبايب هزيله
...
ما أثقلك يا الليل,,,, و تمد الكفوف النحافي
حتى النفل ما كنت أسميه النفل ذات ليله
...
تورد حياض الدمع فوّضته بأمر الخوافي
وأقول في نفسي: عجزت الليل فيني أشيله
...
ونا على خبر الوله يظماك ذاري السوافي
يوم الهجوس حيام سـّـريت الهميل لـ هميله
...
تعال ابا اكتبني على جفن ٍ غضيض ٍ مجافي:
البارحة والطرف متسّهد على أم الجديله
...
يسعد زمان اللي هبايبها اجفلت بالفيافي
وأروح أدورني عنا والروح فيني تجي له
...
ودي البعاد اللي غدا زهو الحلوم العجافي
تتسّمر أشواقي
على نفح الطعون الجزيله
...
تصدق إني كنت أخالف دمعة ٍ وسط قافي!
ما ودي إنها
تلتقي بـغيمة وتزهر خميله
...
إن أزهرت أعيادها ,, لون التباريح ضافي
إن أزهرت, ريح الصبا ما مرها في مقيله
...
ما ترحم الأشواك يا خلي تجاعيد حافي
أتعب من
الكذبة علّي شوف العيون الكليلة
...
تفر من قلبي تفاصيلي ولا شي خافي
ماعاد بي شي ٍ يجلجل بالقصايد صليله
...
إلا طيوفك يا الجفا لبيه وان
قلت وافي
إن ما وفيتك من حصيل البعد ماهي بحصيله
...
أولها: ابستجمع من الخفاق ,, كل القوافي
اشلون أهــّـلي
به غياب ٍ و اعتبرها نفيله
...
يقول وش ثاني العنا حتى يجره سنافي؟
وأقول: هي عبرة على صدر السنافي ثقيله
...
صعبن على مثله ولو جالت بموقه
تشافي
بس الأرق يستأثره مُـرْ الليالي الطويله
شعر ~ هجير
ليست هناك تعليقات:
إرسال تعليق