يا نثارك فوق متن النور ،، يا دياري
بارقك لوّح على قوس الغمام نزيل
من رضاب الصبح بلل ريق هـ الطاري
حي شوف الدار يا جود الحشا كالسيل
وين وداني غلاك فـي زهوة أنواري
غيمك المدرار لا جابك بـ شوق اهميل
يرتمي باحضانك الولهى صدىٰ الساري
وأحتمي بـ انفاسك وقلبي شذاها يشيل
يا سقى الله الروح تسري بك مع اقداري
والغلا يبقيك في قلبي / ذخر وحصيل
يا الحصيل وحزمة افكاري من افكاري
ويا الزمان اللي أهلي به، عليّ اجزيل
حي شوف الدار، يا داري،، وهي داري
تلتمع في طرفك النجمة وراها سهيل
وش يقول اهبوبك الليّنْ عن الذاري؟
والظليل بدوحة أطيابك عليّ ظليل
من يباري الريح في جوفٍ به امهاري
بَخْتَرتْ طاريك لا دبّتْ فـ جوف الليل
.
هـ جيرك
مخايلك ...
أكثر من رائعة
ردحذفأكثر من رائعة
ردحذف