" مثل الصباح " ...
الضعف ضعف النفس في شين الأفعال
والكذب مدخال الضعيف،، وطباعه
وإلا الصدوق اللي تباهت به أقوال
له في الصدق مدخال ما يوم باعه
ترقى النفوس بفعل ٱثمن من المال
مثل الصباح اللي وضح لك شعاعه
وإلا الخطا مثل الدجى كل ما طال
لون الظلام اللي تساوى بضياعه
أقول لك من صار يرعاها الآمال
يرعى الحشا، وآمال صدره متاعه
لو عز قدرك في عسر كل الأحوال
اتعّز قدره ،، في يسر كل ساعه
دنيا تعلمك الغلا،، قبل الٱهوال
ودنيا تعلمك الخبث،، والقطاعه
ودنيا تزيّن لك فضا ، بعض الأنذال
وبعض البشر يسوى الفضا بإتساعه
هـ ج يـ ر ك..
و.. مـ خ يـ ل ك..
ليست هناك تعليقات:
إرسال تعليق