الزهر يذبل على غصن الكلام وما دريت
اني صرت احتاج لاغصانه قبل ذاك الذبول
اخضراره صار ينهل من جفا حرفك يا ليت
ليت رمق الحبر لو تتقاطر بجوفه حقول
لو يبل جفاف ريق الارض في صدرٍ شتيت
يا الشتيت اللي يبعثر كل طيفٍ،، ما يجول
في عيون الشمس، يوم ان الليالي، تستميت
لحظة ٍ ،، لجل الطيوف اللي تباريها الفصول
صح أحبك،، حب يقتاته العنا، قبل المبيت
ب صدورٍ خاوية من طاري الطرف الخجول
صح أحبك حب يجتاحه صدى صمتٍ مميت
كيف لو أرضى السكوت اللي يداهمني بحلول
ابتعد عنه؟ أغيب؟ أختار وجد ٍ لجله جيت؟
قلت في نفسي: إختيارك حل ، يكفي كل قول
* هجيرك ...
*مخايلك...
