ودي أكتب أي شي ,, عن أي شي !!!

ودّي أكتبْ أي شيْ, عن أي شيْ !!!
دمعة ٍ لو في ذرَى سْطر الهُمام
كلمته تـَْبرقْ من الخّفاق ضيْ
يعني لو مُمكن تقولْ انه كلامْ
تلتفتْ شِيمة وشِيمة ,,
عن تفاصِيل المَدامعْ ,
والمُواجعْ ,, والتبَاريحْ القديِمة ..
وكلْ ليل ٍ تستفزه ,,
سَالفة إنسَان حيْ ..
ليلْ يستجْمع هموُمه ,
زَاد يوُمه ..
لين يرْقى بإنكسار ٍ ,
 عالي القامة لـ قامَة ,
تُوصلْ لـ طيف ٍ تلاشَى ..
قلْ سرَابْ الـَلالْ ,,
واثره ترْتجف منه يَديْ ..
ودّي أكتبْ أي شيْ عن أي شيْ !!!
يعني عن شُوق ٍ وَرَدْته من مَنابعه القصّية ..
لاني من مَظماه ا بظما ولاني أسْتسقيِه رَيْ ..
ينتفضْ قلبْي ويْحتـَاجك كتابة ..
وقبل ما أندسْ ف حرُوفي ,,
أنفضْ عِجَاجْ الرَتابه ..
قلتْ : مُجهد حِيل صُوتي ..
اباْطلق هجُوسِي على صَمْتك ,,
على غِيم ٍ و فـَيْ ...
يمَكنْ أكتبْ أي شيْ !!!
يمَكنْ أكتبْ أي شيْ !!!

هـ ج ي ر ك 

ياذا الصبح وشفيك ؟؟!

صباحك العاطر يسلم لي على الطير والراك

والزهر بغيابك يسولف لي اذا الفجر يطريك

 

من يومها لميت لك كل الأماني لـ عيناك

وفي لحظة الضيقة تبعثرها وهي كل فيك

 

أسير الذكرى ونا أشتت بقاياي وأنساك

وأتعلم النسيان لـ شتات ٍ يهيم بأراضيك

 

وش هي موازين الغلا والود في شرع معناك

غير ان هذا القلب ياخذني من الود ويجيك

 

مثل امتزاج الروح مع روح ٍ على سر الادراك

والروح لو تخفي بواطنها , تبيح بخوافيك

 

كن الليالي اللي على ذكرك وفود لـ حناياك

وكن الحنايا اللي على ذكر الليالي تناديك

 

ومن عقب هذا, أزرع بقلبي خيالك ومسراك

أسري على طاري الوله حتى زرعته لخطاويك

 

أتنفس هبوب النوى والدرب موطى للأشواك

يومن تنفسك الحشا وأشـّــر : مرابيعهم ذيك

 

وسط الضلوع اللي تبث الشوق وارجع بلياك

ما جيت من مربع خفاقي سوى عمر يغليك

 

ما جيت الا وصبحك العاطر يسّلم على جفاك

مديت له كفي واتسائل : ياذا الصبح وشفيك؟؟

 

ان كان لي من طلة شعاعك حديث لـ محياك,,

من الضيا لو يشعل أشواقي أقول له: يا لبيك

 

شعر : " هجير "